Me likar godt å gå turar ned til cruisebåthamna og parken rundt. I dag tok me ein tur innom eit brannmuseum.
Fire chief Roksund...
Fire chief Roksund...
Fire chief Selle...
Bilen til brannmeisteren.
Eg snakka med ein brannmann i hamna ein dag, og han sa at det var berre å ringe på ei dørklokke på brannstasjonen, så kunne ein få omvisning. Eg tenkte at dette kunne sikkert vera kjekt for ungane.
Me ringte på fleire gonger før det kom ein søvnig brannmann og opna for oss..... Han slapp oss inn, og me parkerte barnevogna til Endre rett innfor døra.
Han starta med å visa oss brannbåten. Her poserer kapteinen ilag med ungane.
Deretter gjekk me inn i garasjen og såg på bilane. Brannmannen tok seg god tid og opna dei forskjellige lukene, og ungane fekk prøva å halda forskjellig utstyr. Han spruta til og med litt vatn på dei!
Midt i omvisninga gjekk plutseleg alarmen på brannstasjonen! Då vart det action! Litt for mykje for minstemann, men fantastisk spennande for resten av følgjet..... Vår brannmann beklaga og sa at han måtte springa ombord i brannbåten, andre brannmenn hoppa inn i brannbilen og me vart geleida ut gjennom garasjeporten!
Og der sto me og såg og høyrte på full utrykning, og oppdaga at vogna til Endre fortsatt sto inne i bygget! Ungane syns ikkje me kunne ringa på ein gong til, det var jo trass alt utrykning... Me sto ei stund å venta på å få sjå brannbåten. Men den gjekk ikkje ut likevel, og etter ei stund låste kapteinen opp døra og spurte om me hadde gløymt noko... Han forklarte at båten trong ikkje gå ut likevel pga at nødmeldinga var: "Fire by a boat, not on a boat!" Jakob forklarte oss forskjellen på desse preposisjonane... Me takka for oss, tok vogna og gjekk. (Eller småsprang, for det var så mykje å fortelja dei andre på kyrkja....!)
Ingen kommentarer:
Legg inn en kommentar